Құрылыс және жер қатынастары департаменті
Департаменттің негізгі міндеттері:
- құрылыс және тұрғын үй-коммуналдық шаруашылығы салаларын дамытуға қатысты мәселелер бойынша бизнес-қауымдастықтың мемлекеттік органдармен тиімді өзара ықпалдастық орнатуына жағдай жасау;
- кәсіпкерлік субъектілері мен қауымдастықтардың (одақтардың) құрылыс және тұрғын үй-коммуналдық шаруашылық саласындағы негізгі мәселелерді шешуге қатысты біртұтас пікірін (ұстанымын) әзірлеу;
- ҰКП қызметінде құрылыс және тұрғын үй-коммуналдық шаруашылық саласындағы кәсіпкерлік субъектілерінің құқықтары мен заңды мүдделерін ұсынуға, қорғауға қатысу:
- Қазақстан Республикасында құрылыс және тұрғын үй-коммуналдық шаруашылық саласындағы кәсіпкерлік бастамаларды іске асыру үшін оңтайлы құқықтық, экономикалық және әлеуметтік жағдайлар жасауға көмектесу;
- Қазақстан Республикасының заңнамаларында және ҰКП-ның ішкі құжаттарында қарастырылған басқа да міндеттер.
Департамент қызметінің негізгі бағыттары:
- мемлекеттік органдардың және (немесе) мемлекеттік қызметкерлердің құрылыс және тұрғын үй-коммуналдық шаруашылық саласындағы кәсіпкерлік субъектілерінің құқықтары мен заңды мүдделерін сақтауы туралы ақпараттарды жинау, қорыту және талдау;
- құрылыс және тұрғын үй-коммуналдық шаруашылық саласындағы кәсіпкерлердің құқықтары мен міндеттеріне қатысты мәселелер бойынша құрылған орталық мемлекеттік органдарға қарайтын алқалық консультативті-кеңесші органдардың, жұмыс топтарының, сараптама кеңестерінің жұмыстарына қатысу;
- құрылыс және тұрғын үй-коммуналдық шаруашылық саласындағы кәсіпкерлік субъектілерінің мүдделерін қозғайтын нормативтік-құқықтық актілерді әзірлеуге және сараптауға қатысу;
- Қазақстан Республикасы кәсіпкерлер проблемаларының Тізілімі мен Картасын жасау үшін, құрылыс және тұрғын үй-коммуналдық шаруашылық мәселелері бойынша ақпараттар ұсыну:
- мемлекеттік органдардың құрылыс және тұрғын үй-коммуналдық шаруашылық саласы бойынша бағдарламалық құжаттар дайындауына және оны іске асыруға қатысу;
- құрылыс және тұрғын үй-коммуналдық шрауашылық салаларын дамытудың басты мәселелерін мемлекеттік органдар қабылдаған бағдарламалық құжаттарға сәйкес іске асыру бойынша кәсіпкерлік субъектілері мен аккредиттелген қауымдастықтардың (одақтардың) қызметтерін үйлестіру.
